AaFK Fortuna – Molde FK
Treningskamp Sparebanken Møre Arena 01.02.
Det var klart for årets første treningskamp og for jentene som for første gang skulle spele i den oransje drakta som AaFK Fortuna, så var det nok litt ekstra spenning i forhold til ein «vanleg» treningskamp tidleg på året.
Resultat : 3-3(2-2).
Gule kort : Ingen.
Dommar : Mats V. Giske.
Tribune : ca. 150.
Mål :
0-1 4min. Ein i utgangspunktet ufarleg situasjon, der ballen endrar retning i Solveig og blir ei målgjevande pasning.
Moldespelar Nora Håheim er plutseleg åleine med Marthe og chippar ballen over keeper og i mål.
1-1 7min. Agata slår inn ein corner som går via Anna på første stolpe og landar i beina til Mette på 6-7 meter.
Med venstrefoten skårar kapteinen det første målet for AaFK fortuna via Moldekeeperen.
1-2 9min. Vi blir spelt alt for lett igjennom i bakre firer, og igjen får Molde boltre seg åleine med Marthe.
Nora Håheim kan setje si andre skåring for dagen.
-2-2 16min. Nora svingar inn ein perfekt corner der kaptein Mette stige til værs og heddar ballen i mål frå 3-4 meter.
3-2 55min. Benedicte set i gang kort på Cecilie som spelar ut på backen til Stine.
Ho spelar opp på ei feilvendt Solveig som dreg av eit par spelarar før ho levarar ballen vidare til Anna.
Anna tek med seg ballen vidare før ho svingar inn eit perfekt innlegg, der Ingrid kjem inn på bakre stolpe og set ballen sikkert i mål. Eit flott angrep !
-3-3 84min. Molde slår inn ein lav corner i feltet. Ida Hasselgård får boltre seg med passive AaFK Fortuna spelarar rundt seg og kan til slutt banke ballen i mål frå 8-9 meter.
Slik starta vi : 1-4-3-3.
Marthe Bjørhovde
Stine O. Muri, Cecilie Otterlei, Kristine Gulbrandsen, Ellijanne Anderson
Mette O. Muri(K), Nora M. Ferstad, Agata Droździk
Solveig Engås, Anna Brenne, Ingrid Vatne
Innbytter :
46min. Marthe ut og Benedicte L. Berge inn.
46min. Agata ut og Oda S. Tennfjord inn.
60min. Stine ut og Helle O. Rindal inn.
60min. Ingrid ut og Guro H. Røn inn.
75min. Solveig ut og Daniela Gudnadottir inn.
Benedicte Lund Berge, Helle O. Rindal og Guro H. Røn debutere alle i dag for klubben og alle tre leverte ein flott debut !
Kampen :
Det vart utan tvil ein sjåverdig fotballkamp for det flotte publikummet i dag, og heile 4 skåringa låg i nota før det vart spelt 20 minuttar.
I førsteomgangen er det spelemessig ganske jamnspelt, der vi skapar klart flest sjansar og situasjonar framfor motstandare sitt mål, men eit fintspelande Moldelag er effektive og skarpe når dei får muligheten.
Vi spelar tidvis med for store avstandar i laget og slite litt med teknisk gode Moldespelarar defensivt, men skapar meir enn nok.
Framover i bana av både store og mindre målsjansar til å burde ha leia til pause.
Uansett er 2-2 til pause greit nok.
I pausa jobbar vi med gode justeringar som vi håpar skal løfte oss endå meir i andreomgangen.
Det vi håpar på i pausa skjer då også i større grad etter sidebytte, og vi styrar det meste ute på kunstgraset.
Vi er først og fremst meir kompakte defensivt og vel oftare riktig offensivt.
Etter at vi tek leiinga 3-2 så har vi også 5-6 store målsjansar vi bør punktere kampen på.
Sjølv om Molde jobbar godt, så har dei knapt vore nær målet vårt og debutant Benedicte før det er spelt 83.minuttar.
Då får dei ein kjempesjanse som Benedicte reddar strålande til corner. Corneren benyttar dei så til å straffe
eit passivt heimeforsvar og får utlikna til 3-3.
Dei siste minuttane skapar vi også mulighetar til å avgjere, men det ebbar til slutt ut med uavgjort.
Kaptein Mette om kampen :
Årets første treningskamp er unnagjort.Første omgang er rotete og vi klarer ikke helt å finne ut av hvordan vi skal stenge/presse Molde, samtidig som vi er litt stresset med ball og søker i overkant ofte den lange.
Jeg synes vi hever oss i 2.omgang, der vi har mer ball, klarer å styre spillet på en bedre måte og skaper mye målsjanser.
Alt i alt en godkjent treningskamp, der mye er bra, men der vi ser vi har en del å jobbe med også.
Det var litt ekstra spennende og kjekt å spille vår første kamp som AaFK Fortuna i oransje drakter, og nå gleder vi oss til ei spennende fremtid.
Veldig kjekt at så mange tok turen for å se første kamp i nye drakter 😊
Trenarkommentar :
Ein del plussar og ein del minusar er fasiten etter årets første kamp.
Det er vel verken overraskande eller veldig bekymringsfullt tidleg i oppkøyringa.
Det er først og fremst gledeleg at vi igjen viser vårt enorme offensive potensiale, så får vi meir enn nok tid på å betre den defensive strukturen i laget utover vinteren.
12-4 i store målsjansar, 9-2 i skåringsmulighetar og 12-2 i cornerar(fordel oss) fortel litt om det som skjedde på siste 1/3 delen for laga, i banespelet hang definitivt Molde godt med på notane i store delar av kampen.
Det var spesielt og kjekt å spele vår første kamp som AaFK Fortuna, og vi trur verkeleg på ei spennande tid framover 😊
No skal vi fortsette den gode treningsjobben, før vi skal møte Volda lørdag 15.februar i neste treningskamp i Sparebanken Møre Arena.
Sportsleg helsing
AaFK Fortuna
